O dikhlipe maškar o pokret Opre Roma Srbija thaj državno sekretari, o Ivane Bošnjak

Ande marci, 30.06. inkerrdi si e video kris e dr Ivane Bošnjakosa, državeke sekretarosa ando Ministarstvo katar državaki uprava thaj lokalno samouprava, palaj inicijativa katar o pokret Opre Roma Srbija (ORS) savi sas dromarrdi pe vlada Republika Srbija, andaj bare brršnda  save kerrdine baro nekazo amare phujake. O ORS kerrda svato andav kodova nekazo thaj da svato ke ande thane e Rromane amalimasa bućarela pes te gorarel kodoja griža savi anda vanredno stanje, savo sas andino ande nesave opštine thaj forurja, ke von kerrdine nekazo savo but bijanda pacale palaj foroneske ande Srbija maškar save sas vi e Rrom. O državako sekretari Bošnjak phenda ke palav goraripe katar kala problemurja maj angluno si te lačhes thaj sugo parruvenpe e informacije thaj anelpe lačhi koordinacija savi džala dži kaj e šerutne,kaj lokalne thaj okružne štaburja palaj vanredne situacije, save antuća bičhaldonape dži kav Rebuplikako štabo thaj palpale. Gorarrdo sas ke o ažutimos savo del o ORS palaj šerutne ando javno vlasto, ande Srbija sugo bičhaldola dži kaj maj nekežime, phanglimasa palav Ministarstvo kaj godi te trubul. Pašaj kodoja, dino sas o svato ke o ORS avela ande nadležne institucije kaj dela predimata palaj mere save šaj ažutin ando sastipe Rromane familijenge kav pajaslo than.