Rrom ande COVID19 kriza

Angluno upozorenje palaj 6 phuja: Bugarska, Rumunija, Španija, Slovačka, Italija, Ungriko kotor dzene katar o EU marenpe e but majbare rizikosa katar o meripe savo anda o COVID19, ke lengi si situacija, savi sas sikadi bare ćorrimasa thaj rasizmosa, maj bilačhi ande paluni vrjama. Po maj barlavo kontinento pe phu, 80% katar e Rrom trajin telaj e granica  ćorrimaski ande phuja kaj trajinas, andaj kola save sas anketirime, dzi kaj 30% trajin ande thane bi pajesko, thaj svako trito bejato dzal po sojipe bokhalo jekhdakta ando čhon. Palaj pančh brš, maškar 2011. thaj 2016. brojo katar e čhavorre ande segregisano, telavstandarrdno sićipe barilo palaj dopaš, barilo paj 10 pe 15%. E kriza COVID19 sidjarel o trendo bilačhimasko, ande katastrofalne cifre. But phares si te analepe kvantitativno dikhlipe ande situacija, andaj duj voša, bi thodinimasko sistemo palav etničko kidipe katar e podatkurja, thaj konkretno, kale vanredne ačhimasa ande phuja thaj vlade save sugo anen thaj parruven e odluke sare reakcije po buljaripe virusosko. Kava brifing, sikavel angluno upozorenje po fundo katar e informacije kidine dromesa katar e kancelarija palaj Rromane inicijative andav fondo putarrde društvosko thaj lenge mrežako katar e zastupnikurja po than ande Bugarska, Ungriko, Italija, Rumunija, Slovačka thaj Španija. O ciljo si te dikhen kola save čhinen e kris andav EU pe palpale svaturja phujago save si dzene katar o EU save penge bućanca sidjaren e katastrofa palaj milionurja Rroma. Kaja katastrofa ći anela griže numa palaj Rrom, numa vi palaj gadže, ande ekonomija, politika thaj zuravipe palaj maškar-etničke marimata dži kav niveli savo naj dikhlino ande palune trjanda brš.