O Rrom pale nekežime katar e varmedjaki brutalnost!

E keravni si ando than Teplice, ande Česko Republika. Po video-snimko katar jekh dikhlino sikado si sar o murš merel pe ulica ande intervencija katar e trin varmedjarja. Pe trenutkurja li trin arakhavne katar o javno rrndo thaj miro penge pharimasa bešen po manuš. Jekh katar e varmedjara šo minuturja del čhanga thaj čhangasa mukhel pes pe korr manušeske savo sigate palaj kodoja tasilo. Tokma i palaj kol štar minuturja palaj so o manuš ći sikavelas ke si džuvindo, o varmedjari da maj dur e” intervencija” po manuš savo pašljolas bi meškimasa.

Česko administracija da ažutimos e varmedja palaj kol snimko kaj dikhljolpe sar o varmedjari ando than Teplice mukhelpe pe dume e čhangasa thaj e korr katar o Rrom Stanislav Tomaš, savo palaj kodoja mulja.

Ame sar o pokret maj zurales krisaras o prja baro lipe katar e zor sa e institucijengo, posebno varmedja, so ando slučajo katar e Česko Republika naj angluno keravno kana e varmedja sikavelas kadja peski zor.

Napado pe Rromane čhavorre ando milajeko kampo savo inkerelas Rromani bašalni e Ida Kelarova thaj meripe katar o Rrom ando pritvor ande picerija katar o Žatco, maj anglune si sikavne save sikaven biamalipe varmedjako sar e institucija palav Rromano amalipe ande Česko.

Dikhen o video zapis pav akharrdo izvor romea.cz
Video

Varmedjaki brutalnost pe Rrom si čhačimos savi musaj gorarelpe!