Trin sikavimata katar o korona virus palav ljumljako djes e Rromengo
Po 8. Aprili inkeras ljumljako djes e Rromengo, pe javne thana. Kava brš, andaj pandemija katar o korona virus, kodoja keras kheral pav interet, paćivasa palaj kodola save mule thaj darasa katar e nekazurja katar kaja kriza savi avela. O korona virus si ameca xarrni vrjama, al de palaj kodoja vrjama, sikada amen 3 važne sićimata, save šaj den amen nada. Jekhto sićipe: Than Rromengo našti te meškilpe katar o than sa e narodosko. Butivar phendam, ke ako sam i ame bućarrde ke ekonomija katar amari phu avela maj bari; ako sam ame arakhade katar e ekstremno desnica, demokratija ande amari phu avela arakhadi. Numa, e vlade katar e phuja ći dikhle kodolake thaj de palaj kodoja pizde amen ande maj baro čhorrimos. Akana, kana sam ande griža katar o virus, ame sam maškar kodola save si ande maj baro rizik katar e infekcije thaj meripe. E Rrom si maj terrne katar e gadze, al si amen maj bilačho sastipe. E Rromane familien naj detot love te kinen maske, draba, xamos thaj maj carra šaj avele distanca jekh avrendar. But dzene save lenas ažutimos ande love anglaj sastimaski kriza – ulicake bičhindarja, bašadjerja, fabrikake bućarrne, kola kaj kiden sekundarrne sirovine sas maškar maj anglune save kodova ažutimos xasarrde. Prja but Rroma si bi kanalizacijako thaj pajesko, aj vi dur le katar o špitali. O virus sugo buljoj aj naj les predrasude palaj manuša pe kaja ljumlja, andaj kodja vo kadja sugo nasvarel e Rromen sar vi sa aver narodo ande aver phuja. Andaj kodja o korona virus sikavel ke amare Vladen našti anen mištipe palaj sa aver dzi kaj ći keren maj lačhe uslovurja palaj Rrom. Dujto sićimos: O rasizmo šaj avel khoslo kana e Vlade thaj o amalipe dikhen interes andaj kodoja. Stereotipurja andaj Rrom si ke le von luštave thaj melale, ćor thaj xaloste, kodoja ći ačhada e Rromane sastimaske bućarrnen te keren pengi bući ande špitalja. Sar vi kana e predsrasude nas prepreka e Rromane katanenge te arakhen penge phujan ando rato, kadja khosljol pes sare prepreka vi kana arakhen penge phuja katar o virus. Kana trubusaras amare državenge, ame sam khatek te las le sama. Trito sićimos: Amare zora palav ačhimos thaj korkorro-losarimos barile. Bi ažukarimasko pe aver, Rromane pokreturja thaj aktivisturja sas maškar maj anglune save dine ažutimos, palav pesko amalipe: “ Ketane” pokret ande Italija thaj “ Camelamos” ande Španija – Evropake phuja save sas maj phares dabdine virusosa “ Aresel ” ande Rumunija “ Avaja “ ande Severno Makedonija thaj “ Savakhtuni koferencia Romane dizutnenge amalipe” ande Bugarska, numa te phenas nesave andaj lende. Von thaj maj aver sugo kidepe te anen xamos, draba, paj thaj vjaste pege amalimaske te vazden o krrlo andaj kodoja save voša katar e Vlada musaj te anenpe palav arakhipe Rromengo. Rromani dijaspora ande zapadno Evropa si mobilisano te ažutil peske phralenge thaj phejange ande Bugarska, Severno Makedonija thaj aver phuja. De dulmut ći dikhljam kadja sugo, buljarrdi thaj transnacionalno mobilizacija. Kala trin sićimata avena važne palav arakhipe katar o tretmano sašćarimasko vi kana avela gorarrdo o virus. Leske bilačhimata pe amare bućake thana, sikavipe katar amare bejace thaj uslovurja ande save trajisaras ačhena amenca. O khoslipe katar kadala griže inkerena buteste, aj dzanas ke e Rrom pale avena kola save maj phares nakhena. Dal amare phuja pale ći dikhena pe amende? Dal amare Vlade avena khatek kana trubun amen? Sar kana ame samas khatek kana lenge trubusarasas! Naj pe Rrom te den svato palpale pe kala pučhimata, kodoja si pe amare phuja, amare Vlade thaj Evropsko Unija. Pe amende si, te das palpale svato pe kala pučhimata; Ako šaj samas kidine maj feder de trujal te das svato palpale pe kaja kriza virusosa. Dal šaj te buljaras thaj dzas angle andaj interesurja amare palaj kriza? Lungoneste dasas sama pe kultura katar o trajo ande maj phare vrjame thaj godjaverimos te andaj carra keras but. Kadja, ande kala duj-trin kurke šaj dikhas sar barjol o solidarrnost, griža andaj maj pacime thaj o kolektivno voš ando amaro amalipe. Kodola kućimos avena but važne palav goraripe katar e kriza savi avilja pe amende. Bućarimasa palaj kodola kućarimata, ame andaj kancelarija palaj Rromane inicijative ande thane amare burnihasa katar e nacionalne pokreturja thaj amare maj bare organizacijasa – Rromano obrazovno fonodo (REF), inicijativa palav baripe katar o Rromano preduzetništvo (REDI) thaj Evropsko Rromano Instituto palaj umetnost thaj kultura (ERIAC). Teljaras adjes amare kampanjasa savi avela amaro ažutimos palaj kriza katar o korona virus thaj pe lake ekonomske vi politikane nekazurja. Kaja kampanja avela andini ando anav katar amari zor palav trajo thaj korkorro-losarimos. Kodova sas o dji katar o angluno kongreso Rromano 1971 brš. Kodova si o dji katar o liderstvo palav 21. veko.
Opre Rromalen!