Džanas ame vi korkorre te džas

Dejane Jovanović si bršenca aktivisto, getisarrda e studije ando Vršeco, ando VŠZV pe Rromani katedra, buteste ramol pe Rromani čhib thaj bučharel pes arakhlimata katar e Rromani ramome thaj bi ramome kultura.

Ame sam khatek kana trubun te asan.

E medveda te khelavas, tumare vojake. 

Ame sam khatek kana trubun te asan.

Te asan amendar, sar ame mijas. 

Ame sam khatek kana trubun te asan.

Kana djilabas tumenge, love trajoske te keras.

Ame sam khatek kana trubun te asan.

Te keras amen dile, švotisavas, keras forme, pherjasa.

 Kana kamas te avel vareko amaro amal. 

Ame sam khatek,

Vi kana našti rrodin amen, ame džastar dur,

Dromenca

Naj musaj te traden amen,

Naj musaj te nekežin amen,

Džanas ame vi korkorre te džas. 

Ramosarrno: Dejan Jovanović