Opre Roma Srbija – Sar te keras voša palav arakhipe khere
Naisaras e konsultatske firmake palav bućarrno menadžment andav Beograd savi ažutisarrda amen ando getimos katar o video materijali sar vi e dženes andav amaro timo, Master hemičares e Mirko Kalderašes. Dezinfikaciono voš pe baza katar o gelo Aloe Vera 1/3 tahtaj Aloa Vera gelo, 2/3 tahtaja alkohol palaj maj lačhi sung šaj maj thon 20 kapi estrakt katar o limuno vaj strjangome limuno. E andralunimata mišto xamin thaj palav sa jekh halavipe vastengo moren pe palme o getome gelo. Kadalasa e vas avena dezinfikuime ( thaj hidririme). O dezifinkaciono voš pe baza katar o šut ando tahtaj čhores 1/3 tahtaj šut, 2/3 tahtaja paj thaj pale, palaj sung, šaj tholpe dži kaj 20 kapi katar o limunosko estrakt vaj strjangome limuno. Dezinfikaciono voš pe baza katar o čajevac ande flaša savja si zapremina 1l savja si šaipe loćolimasko pheras pajesa thaj das 20-30 kapi katar o estrakt čajevac thaj 20 kapi katar o limunosko estrakt vaj strjangome limuno. O getome rastvor si but lačho bi bakterijsko voš savo šaj čhorelpe pe vas thaj vi pe sa jekh voš savo diras ( sinje, kvaka udareski, tele). O dezinfikaciono voš pe baza katar o hipermangan palav trubulipe trubul getome 10%-tno rastvor. Kodoja kerelpe kadja sar andaj kutijica merilpe 1g hipermargan thaj bilavelpe ando tahtaj katar 100ml pajesko. Dezinfikaciono voš pe baza katar o Apsesol, palaj vas thaj khoslipe tele thaj aver površine trubul bilado pajesa ando odnoso 1:50. Kodoja sikavel te kamena te keren 1l rastvor palaj dezinfikacija trubultano si lipe 20ml katar o Apsesol thaj bilado ande 1l paj, čhinolpe thaj o getome rastvor šaj čhoren ande flaše, vaj šaj inkeren les ando tahtaj.